Punjab IAS Transfer List ਪੰਜਾਬ ‘ਚ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ: 29 ਆਈਏਐੱਸ ਅਧਿਕਾਰੀਆਂ ਦੇ ਤਬਾਦਲੇ

ਮੁਹਾਲੀ, ਲੁਧਿਆਣਾ ਤੇ ਪਟਿਆਲਾ ਸਮੇਤ ਕਈ ਜ਼ਿਲ੍ਹਿਆਂ ਦੇ DC ਬਦਲੇ

ਚੰਡੀਗੜ੍ਹ: 11 ਨਵੰਬਰ

ਪੰਜਾਬ ਸਰਕਾਰ ਨੇ ਪ੍ਰਬੰਧਕੀ ਜ਼ਰੂਰਤਾਂ ਦੇ ਮੱਦੇਨਜ਼ਰ ਸੂਬੇ ਵਿੱਚ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ ਕਰਦਿਆਂ 29 ਆਈ.ਏ.ਐੱਸ. (IAS) ਅਧਿਕਾਰੀਆਂ ਦੇ ਤਬਾਦਲੇ ਅਤੇ ਨਵੀਆਂ ਤੈਨਾਤੀਆਂ ਦੇ ਹੁਕਮ ਤੁਰੰਤ ਪ੍ਰਭਾਵ ਨਾਲ ਜਾਰੀ ਕੀਤੇ ਹਨ। ਪੰਜਾਬ ਦੇ ਮੁੱਖ ਸਕੱਤਰ ਕੇ.ਏ.ਪੀ. ਸਿਨਹਾ ਵੱਲੋਂ ਜਾਰੀ ਇਨ੍ਹਾਂ ਹੁਕਮਾਂ ਤਹਿਤ ਮੁਹਾਲੀ (ਐੱਸ.ਏ.ਐੱਸ. ਨਗਰ), ਲੁਧਿਆਣਾ, ਪਟਿਆਲਾ, ਰੂਪਨਗਰ, ਬਰਨਾਲਾ ਅਤੇ ਤਰਨ ਤਾਰਨ ਵਰਗੇ ਅਹਿਮ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰ ਬਦਲ ਦਿੱਤੇ ਗਏ ਹਨ। ਇਸ ਦੇ ਨਾਲ ਹੀ 2024 ਬੈਚ ਦੇ ਕਈ ਨੌਜਵਾਨ ਆਈ.ਏ.ਐੱਸ. ਅਧਿਕਾਰੀਆਂ ਨੂੰ ਵੱਖ-ਵੱਖ ਸਬ-ਡਵੀਜ਼ਨਾਂ ਵਿੱਚ ਬਤੌਰ SDM ਤੈਨਾਤ ਕੀਤਾ ਗਿਆ ਹੈ।

ਹੁਕਮਾਂ ਵਿੱਚ ਸਾਰੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਉਹ ਬਿਨਾਂ ਜੁਆਇਨਿੰਗ ਸਮਾਂ ਲਏ ਤੁਰੰਤ ਆਪਣੀ ਨਵੀਂ ਤੈਨਾਤੀ ਵਾਲੇ ਸਥਾਨ ‘ਤੇ ਚਾਰਜ ਸੰਭਾਲਣ।

ਪ੍ਰਮੁੱਖ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰਾਂ ਦੀਆਂ ਬਦਲੀਆਂ

ਸਰਕਾਰ ਵੱਲੋਂ ਜਾਰੀ ਹੁਕਮਾਂ ਮੁਤਾਬਕ ਡਿਪਟੀ ਕਮਿਸ਼ਨਰ ਪੱਧਰ ‘ਤੇ ਹੇਠ ਲਿਖੇ ਅਹਿਮ ਬਦਲਾਅ ਕੀਤੇ ਗਏ ਹਨ:

• ਐੱਸ.ਏ.ਐੱਸ. ਨਗਰ (ਮੁਹਾਲੀ): ਸ੍ਰੀ ਅਦਿੱਤਿਆ ਡਚਲਵਾਲ ਨੂੰ ਮੁਹਾਲੀ ਦਾ ਨਵਾਂ ਡਿਪਟੀ ਕਮਿਸ਼ਨਰ ਲਗਾਇਆ ਗਿਆ ਹੈ।
• ਲੁਧਿਆਣਾ: ਸ੍ਰੀ ਹਿਮਾਂਸ਼ੂ ਅਗਰਵਾਲ ਲੁਧਿਆਣਾ ਦੇ ਨਵੇਂ ਡਿਪਟੀ ਕਮਿਸ਼ਨਰ ਹੋਣਗੇ।
• ਪਟਿਆਲਾ: ਸ੍ਰੀ ਹਿਮਾਂਸ਼ੂ ਜੈਨ ਨੂੰ ਪਟਿਆਲਾ ਦਾ ਡਿਪਟੀ ਕਮਿਸ਼ਨਰ ਤੈਨਾਤ ਕੀਤਾ ਗਿਆ ਹੈ।
• ਰੂਪਨਗਰ: ਸ੍ਰੀਮਤੀ ਕੋਮਲ ਮਿੱਤਲ ਰੂਪਨਗਰ ਦੇ ਨਵੇਂ ਡਿਪਟੀ ਕਮਿਸ਼ਨਰ ਵਜੋਂ ਸੇਵਾ ਨਿਭਾਉਣਗੇ।
• ਬਰਨਾਲਾ: ਸ੍ਰੀ ਅਭਿਜੀਤ ਕਪਲਿਸ਼ ਨੂੰ ਬਰਨਾਲਾ ਦੇ ਡਿਪਟੀ ਕਮਿਸ਼ਨਰ ਦੇ ਨਾਲ-ਨਾਲ ਨਗਰ ਨਿਗਮ ਕਮਿਸ਼ਨਰ ਦਾ ਵਾਧੂ ਚਾਰਜ ਸੌਂਪਿਆ ਗਿਆ ਹੈ।
• ਤਰਨ ਤਾਰਨ: ਸ਼੍ਰੀ ਨਿਰਮਲ ਓਸੇਪਚਨ ਨੂੰ ਤਰਨ ਤਾਰਨ ਦਾ ਨਵਾਂ ਡਿਪਟੀ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਹੈ।

ਸਕੱਤਰੇਤ ਅਤੇ ਹੋਰ ਅਹਿਮ ਵਿਭਾਗਾਂ ‘ਚ ਤੈਨਾਤੀਆਂ

• ਸ੍ਰੀ ਰਾਹੁਲ: ਹੁਣ ਮਿਲਕਫ਼ੈਡ (MILKFED) ਦੇ ਨਵੇਂ ਮੈਨੇਜਿੰਗ ਡਾਇਰੈਕਟਰ ਹੋਣਗੇ ਅਤੇ ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਪੰਜਾਬ ਊਰਜਾ ਵਿਕਾਸ ਏਜੰਸੀ (PEDA) ਦੇ ਮੁੱਖ ਕਾਰਜਕਾਰੀ ਦਾ ਵਾਧੂ ਚਾਰਜ ਵੀ ਦਿੱਤਾ ਗਿਆ ਹੈ।
• ਸ੍ਰੀ ਰਾਹੁਲ ਗੁਪਤਾ: ਵਿਸ਼ੇਸ਼ ਸਕੱਤਰ, ਟਰਾਂਸਪੋਰਟ ਵਿਭਾਗ ਲਗਾਏ ਗਏ ਹਨ।
• ਸ੍ਰੀਮਤੀ ਅਨੁਪਮ ਕਲੇਰ: ਵਿਸ਼ੇਸ਼ ਸਕੱਤਰ, ਰੱਖਿਆ ਸੇਵਾਵਾਂ ਭਲਾਈ ਵਿਭਾਗ ਨਿਯੁਕਤ ਕੀਤੇ ਗਏ ਹਨ।
• ਸ੍ਰੀ ਹਰਪ੍ਰੀਤ ਸਿੰਘ: ਡਾਇਰੈਕਟਰ, ਖੇਡਾਂ ਅਤੇ ਯੁਵਕ ਸੇਵਾਵਾਂ ਵਜੋਂ ਸੇਵਾਵਾਂ ਦੇਣਗੇ।
• ਸ੍ਰੀਮਤੀ ਮਨੀਸ਼ਾ ਰਾਣਾ: ਡਾਇਰੈਕਟਰ, ਸੂਚਨਾ ਤਕਨੀਕ ਉਦਯੋਗ ਤਰੱਕੀ ਲਗਾਇਆ ਗਿਆ ਹੈ।
• ਸ੍ਰੀ ਨਿਕਾਸ ਕੁਮਾਰ: ਵਧੀਕ ਸਕੱਤਰ (ਤਾਲਮੇਲ) ਦੇ ਨਾਲ-ਨਾਲ ਮੁੱਖ ਸਕੱਤਰ ਦੇ ਵਿਸ਼ੇਸ਼ ਕਾਰਜ ਅਫ਼ਸਰ (OSD) ਦਾ ਵਾਧੂ ਕਾਰਜਭਾਰ ਸੰਭਾਲਣਗੇ।
• ਸ੍ਰੀ ਡੈਵੀ ਗੋਇਲ: ਵਧੀਕ ਸਕੱਤਰ, ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਨਿਯੁਕਤ ਕੀਤੇ ਗਏ ਹਨ।

ਵਧੀਕ ਡਿਪਟੀ ਕਮਿਸ਼ਨਰ (ADC) ਪੱਧਰ ‘ਤੇ ਫੇਰਬਦਲ

• ਸ੍ਰੀਮਤੀ ਕੰਚਨ: ਵਧੀਕ ਡਿਪਟੀ ਕਮਿਸ਼ਨਰ (ਪੇਂਡੂ ਵਿਕਾਸ), ਸ੍ਰੀ ਮੁਕਤਸਰ ਸਾਹਿਬ
• ਸ੍ਰੀ ਕ੍ਰਿਸ਼ਨਾ ਪਾਲ ਰਾਜਪੂਤ: ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ), ਫ਼ਿਰੋਜ਼ਪੁਰ
• ਸ੍ਰੀ ਸੁਨੀਲ: ਵਧੀਕ ਡਿਪਟੀ ਕਮਿਸ਼ਨਰ (ਪੇਂਡੂ ਵਿਕਾਸ), ਪਟਿਆਲਾ
• ਸ੍ਰੀ ਰਾਕੇਸ਼ ਕੁਮਾਰ ਮੀਨਾ: ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ), ਪਠਾਨਕੋਟ
• ਸ੍ਰੀ ਅਯੂਸ਼ ਗੋਇਲ: ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ), ਮਾਨਸਾ
• ਸ੍ਰੀਮਤੀ ਪੱਲਵੀ ਮਿਸ਼ਰਾ: ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ), ਅੰਮ੍ਰਿਤਸਰ
• ਸ੍ਰੀਮਤੀ ਸ਼੍ਰੇਯਾਂਸੀ ਜੈਨ: ਵਧੀਕ ਡਿਪਟੀ ਕਮਿਸ਼ਨਰ, ਜਗਰਾਓਂ

ਨਵੇਂ ਬਣੇ ਉੱਪ ਮੰਡਲ ਮੈਜਿਸਟਰੇਟ (SDM)

ਪ੍ਰਸ਼ਾਸਨ ਵੱਲੋਂ 2024 ਬੈਚ ਦੇ 9 ਅਧਿਕਾਰੀਆਂ ਨੂੰ ਸਬ-ਡਵੀਜ਼ਨਲ ਮੈਜਿਸਟਰੇਟ (SDM) ਵਜੋਂ ਨਵੀਂਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ:

1. ਮਿਸ ਗੁਰਲੀਨ: ਐੱਸ.ਡੀ.ਐੱਮ., ਭਵਾਨੀਗੜ੍ਹ
2. ਸ੍ਰੀ ਅਭਿਮਨਿਊ ਮਲਿਕ: ਐੱਸ.ਡੀ.ਐੱਮ., ਖਮਾਣੋਂ
3. ਸ੍ਰੀ ਸ਼ਿਵਾਂਸ਼ ਰਾਠੀ: ਐੱਸ.ਡੀ.ਐੱਮ., ਨੰਗਲ
4. ਮਿਸ ਹਰਸ਼ਿਤਾ ਸ਼ਰਮਾ: ਐੱਸ.ਡੀ.ਐੱਮ., ਅਹਿਮਦਗੜ੍ਹ
5. ਸ੍ਰੀ ਸ਼ਿਵਾਂਸ਼ ਅਸਥਾਨਾ: ਐੱਸ.ਡੀ.ਐੱਮ., ਮਜੀਠਾ
6. ਮਿਸ ਲਿੰਧਿਆ ਐਲ ਐਨ: ਐੱਸ.ਡੀ.ਐੱਮ., ਮੋਰਿੰਡਾ
7. ਮਿਸ ਪ੍ਰਗਤੀ ਰਾਣੀ: ਐੱਸ.ਡੀ.ਐੱਮ., ਮੂਨਕ
8. ਮਿਸ ਓਇਸ਼ੀ ਮੰਡਲ: ਐੱਸ.ਡੀ.ਐੱਮ., ਕਲਾਨੌਰ
9. ਸ੍ਰੀ ਮੁਕਿਲਨ ਆਰ: ਐੱਸ.ਡੀ.ਐੱਮ., ਬਨੂੜ